ई. गजेन्द्र प्रसाद थपलिया
अध्यक्ष, नेपाल बौद्धिक परिषद्

प्रिय साथीहरू,

नेपाल बौद्धिक परिषद् राष्ट्रिय जीवनका विविध क्षेत्रमा संलग्न विज्ञ, बुद्धिजीवी तथा सरोकारवालाहरूको साझा थलो हो। हाम्रो लक्ष्य देशलाई समृद्ध र स्थिर बनाउन आवश्यक विचार, अनुसन्धान र सुझावलाई नीतिगत तहमा पुर्‍याउने हो।

म दृढ विश्वास गर्दछु राष्ट्रलाई अगाडि बढाउन राजनीतिक इच्छाशक्ति मात्र पर्याप्त हुँदैन। विज्ञ र बौद्धिक समुदायको विचारलाई सुनिनु मात्र नभई व्यवहारमा उतारिनु अपरिहार्य हुन्छ। परिषद् यसै उद्देश्यका लागि स्थापित भएको हो,ताकि हामीले हाम्रो समाज, राजनीति, अर्थतन्त्र र संस्कृतिसम्बन्धी प्रश्नहरूमा गहन बहस र समाधान खोज्न सकौं।

हामी निरन्तर बौद्धिक संवाद, अध्ययन,अनुसन्धान र जनचेतनामूलक गतिविधिहरू सञ्चालन गर्दै आएका छौं। आगामी दिनमा अझ सशक्त ढंगले योगदान दिने हाम्रो प्रतिबद्धता रहेको छ। परिषद्को यात्रामा तपाईंहरूको सहभागिता, सहयोग र सुझाव हाम्रो लागि ऊर्जा र प्रेरणाको स्रोत हुनेछ।

धन्यवाद।